咁就過完十一月嚕! 2011 年最後一個月份又開始喇…日子過得真快！嚟緊呢個月又考試，又婆婆生日，又聖誕節，又三九天灸…認真繁忙。應該過得更快…當然，羊咩仲有幾餐生日飯未完成，更忙！

哈哈，下個月部極冷門既「天與地」都會完成。雖然有啲好血腥既背景，不過又好浪漫噃。當然，有佘詩曼同陳豪又確係吸引羊咩多啲啲。希望可以好頭好尾啦，唔得獎都贏人氣同口碑吖，雖然都唔少人睇唔明白部戲！無論如何，加油！

依家係下午六點幾，羊咩仲係辦公室，並唔係勤力，只係今日係 QUARTEREND ，羊咩又唔趕時間咪留一陣 STANDBY 囉，無壞既，順便寫吓 BLOG 嘛。其實羊咩都未試過係 OFFICE 寫 BLOG ，試吓囉。

呀，仲有，收到何嘉嘉既 EMAIL！勁！講開，其實羊咩以前 2001 年都同 ANDREW MATTHEW 真人通過電話啦…嘻嘻！