見到同事部IPHONE因為無做BACKUP，用左成個星期重新安裝…總之就沮喪。羊咩呢個”蘋果生手”唯有又學人做所謂備份。

好好安裝ITUNES，檢查無其他SETUP，又開個全新資料夾，希望一TAKE過備份。十分鐘完成，又快又好噃，裝吓資料夾又有檔案，諗住一切正常。突然有個 DIALOG BOX 出現，問要唔要TRANSFER PURCHASE，如果唔係就刪除啲”PAID APPS”。嘩，可大可小，羊咩啲中醫APPS，價值不菲，最怕要再次買過又要裝過。咁咪答OK囉…嗯，五分鐘過去，十分鐘過去，十五分鐘過去，二十分鐘都過去…咦，有啲唔妥，咁耐既？…終於…完成嘞。睇一睇，哇哇哇，啲APPS消失得無影無蹤，剩番啲原本既APPS！！！雖然呢兩日係小寒，溫度得10至15度，然而都唔及呢一刻個心冷左大半…正所謂，冷得我騰騰震…好在好在，羊咩呢十幾年既冷酷電腦人生涯唔係浪得虛名。冷靜吓，又再裝吓BACKUP資料夾，有檔案咕喎，橫豎都唔見左啲APPS，不如搏一次睇吓個BACKUP WORK 唔WORK。又等五分鐘…十分鐘…十五分鐘…終於…又完成嘞。登登.登.登.哈，又好彩噃，見番全部APPS，救得番…救得番，不過個心經已掉左落地咁…嚇死!

呢個故事教訓羊咩，無事唔好亂咁BACKUP，尤其是人稱超”USER FRIENDLY”既蘋果裝置。哎呀，真係要拍拍心口…拍拍心口…