昨晚去左灣仔會展試間上海館。六點幾鬼咁多人喺行人天橋，入到去先知原來係玩具展覽會，仲有個巨型吹氣模型添。

間餐館啲服務就認真麻麻，不過啲小籠包、馬蘭頭百頁卷、寧波一字骨同啲甜點 : 八寶飯，薏米腰果露又好好味噃，可以再嚟食。樣樣都好精緻，除左碗麵。好在四個人，可以試多幾碟。今晚有AMI，KAM，JK 同羊咩…開心！！！

不過JK應該嚼不知味。唉，其實咁內疚又點？不如好好振作，做番以前既風趣JK？咁樣或者會令人眼前一亮，又接受番呢？食住抗抑鬱草本植物，成個人愁雲慘霧，無需要吖？！最重要係靠自己。原來抑鬱症有十大症狀，JK起碼中左五、六樣…其實要講既，一二三四五六個人，各自都唔只講過一二三四五六次，佢聽但係唔接受，咁，真係無人幫到佢…