每早都會乘坐小型巴士出銅鑼灣，最近有位司機轉聽普通話電台，其中有個節目係專門播放七十、八十年代既卡通片主題曲，有時候係原裝日文，有時候係廣東話版。今朝竟然係小露寶喎，好懷念以前小時候，一放學就返屋企，食下午茶同睇卡通片。哈哈，大少爺咁囉，唔錯㗎！仲記得配音既係陳儀馨，可惜已經再聽唔到佢把聲音。所以，之前聽番叮噹把聲，興奮得好似變番小朋友。暗地裡，更希望佢地個個都身體健康，生活愉快。
做番個兒歌PLAYLIST都好噃。彩虹化身俠-石修, 藍精靈, 叮噹主題曲, 畫叮噹, 三一萬能俠, 鐵甲萬能俠, 幪面超人1975, 幪面超人-周聰, Q太郎-張德蘭, 小露寶(1976年)鍾叮噹。
Q太郎
人人話真心鍾意他，
人人話真心鍾意，咁先開心啦，
佢令我地開心歡笑真真誇啦啦
生得真鬼馬，最怕冇大牙，
Wow Wow 都好怕 Sha La La，
唔同常人冇頭髮，
剩係生出三個叉，
Q太郎，Ｑ太郎有你冇有怕；
Q太郎，Q太郎係我地好朋友黎架!!!
小露寶
大踏步神情確威武,
小子大名露寶,
人人皆知道,(白: 小露寶黎啦 小露寶好野),
又賣力 又肯做, 身手好似超高,
朋友休睇少我係機器製造,
樣樣都會做 唔係似膽粗,
全世界認真少有, 周身鐵鑄做,
任俠仗義立志高,不畏強暴,
更有飛天本領值得驕傲。
藍精靈
百厭活潑快反應, 總知沒法靜一靜
陣陣笑聲, 實在動聽, 一群寶貝心肝定
藍精靈 十分勁, 反斗激氣真要命, 沒法叫暫停
是活潑藍精靈 勁中勁, 呢班馬騮唔定性
要佢做野無反應, 一講食野好知食
動靜夠多, 辦事實禍, 幾時得佢生生性
藍精靈 十分勁, 貪玩貪笑真要命, 視你若無形
是沒法停一停 定一定, 呢班小鬼唔定性
世界上滿載歡笑, 輕鬆愉快不可少
特別夠CUTE, 人人話俏, 聰明可愛通心竅
藍精靈 十分妙, ＩＱ高到出意料, 師父都偷笑
讓活潑 藍精靈, 在閃耀, 山邊海邊隨到跳
畫叮噹
圓圈加一點，圓圈加一點，
下面畫枝波板糖，
再畫個呼拉圈，再畫個呼拉圈，
六字畫好將它反轉，加個飛碟兒，
左飛一次，右飛一次，
下降好玩D，著地變作漢堡飽，
真合意，看看我那半個Hot-Cake，
乖乖碟上睡，求求你將西瓜一片，
當作我的嘴，再撇上貓鬚睇真，
畫到似邊個，叮噹！
嘻嘻，羊咩細個唔多睇小甜甜之類，所以都無咩印象。反而義犬報恩，藍寶石王子，飄零燕1972，仲深刻啲。
有時間，畫吓叮噹啦！
