好突然，AGNES 同佢小朋友又嚟左香港喇。差不多三年無見，依然係咁FIT。CHLOE就熟左啲，可以傾多啲計都唔怕生保。昨天羊咩特意休息一天，陪左佢地一陣。好有效率咁由尖沙咀郵政局取HK6,000支票，到渣打CASHOUT，食越南午餐，再過銅鑼灣義順，TIMES SQUARE買鞋，莎莎巡視吓，晚上同班同學食翡翠小籠包，再到滿記食糖水…足足十二小時。哈，都唔覺累噃，只係覺得飽飽飽！

仲有大發現呀，殊…細聲啲…，阿雞竟然有老花喎！午餐時候都唔覺，點知食義順時，比羊咩發現佢竟然要除掉眼鏡睇餐牌！嘩，好驚呀，佢係最細個既阿妹吖嘛，點解咁早有老花？！唔講由至可，一講，原來個個都減近視兼老花。最犀利係儒家，副漸進眼鏡做到一啲都睇唔出。完全無老花鏡放大既漏洞，旁人一啲都睇唔到。其他都係戴隱形眼鏡，無得裝。同學好有禮貌咁話羊咩身體好，所以仲未有老花。其實自己知自己事喇，大家都係咁上下年紀，都差不多㗎嘞。唉…睇怕羊咩都快㗎咯。

今晚有儒家，巴士，BETH，本來有ANGELA同JAM，不過後來有事，嚟唔到。唉，又有啲掛住舊同學添，嗯…真係要參加45歲生日會？其實，羊咩比任何人都膽小，好怕見到啲唔想見既人，都唔知點反應。JK 好勇敢，連AC都敢打電話。所以囉，都唔明佢點解唔可以向前行…真係唔明。或者，KAM地講中，佢只係唔甘心放人走。唉，勉強留人喺身邊都無用…浪費精神。究竟幾時至醒？