今日正忙得如火如荼，收到惠而浦維修部電話，提議我買部新嘅乾衣機代替回廠更換零件。哈，原來不知不覺用左部乾衣機成十年咯。其實，換新係好，少麻煩。不過，咁咪又要製造電子廢物？明明有得修理嘛，無理由丟左佢㗎。何況，師父話部機無論內外都保養得好新，仲白白淨淨，值得修理。唉，好似把ORIGIN風扇，兩年就壞，如果可以修理嘅，我都唔想買部新，好浪費嘛。雖然羊咩唔係環保人士，但都唔想動不動就製造廢物，污染環境吖。

其實，惠而浦唔錯㗎，乾衣機同洗衣機都用左十年有多，仲好好地。最好就係有保養/續保計劃，可以持續維修。係羊咩聽到運作時有啲啲怪聲先要檢查吓，唔係都無其他事。一於換零件啦，繼續佢嘅乾衣使命！