可能雨天關係，最近腰背痛又返來。有時候，連腳都有啲隱隱作痛，唔舒服，都唔知係咪坐骨神經痛添?! 本來早幾個月，打算同LM一齊買張舒服啲嘅工作椅，不過等吓一個月，等吓又一個月，都唔見佢有行動，終於忍唔住自己去左買，星期六送貨。雖然係＄＄＄，但係又真係坐得舒服啲。雖然睇上嚟同以前張外型類似，不過腰部好似無咁易累，又可以調校坐位深淺度，唔錯！有三年保養，都信得過嘅。

朋友，好好保重自己身體。唔需要做偉人，然而最起碼要做負責任嘅人，對自己身體負責任。健康一旦無左，就係無左…

心痛固然係難忍受; 羊咩都同身體上嘅痛症相處左十年有多，時好時壞，同樣係一種煎熬，日子咪又係咁過?! 但，羊咩依然無放棄過尋找醫療方法噃。其實，您都可以一樣克服痛楚，更何況，心病係可以由時間減輕病情，只要你願意嘗試…過去嘅事，由得佢過去，唔好再想，唔好再提嘞。