一向喜歡所有蛋的料理，打從大學時代在加拿大到過第一間蛋專門店: Humpty’s，就對其情有獨鐘，每兩、三個星期總要去一趟。在台灣，亦有間位於台北西門町的蛋蛋屋，係每次羊咩到台灣必去。

聽同事講有間蛋包飯專門店，開左係”MAXVALUE” 購物廣場。今日決定試一試，地點唔難搵，一樓行人電梯旁邊。可能新開幕，又可能我地到達時只係十二點半，未有好多人，可以坐卡位。打開菜單，樣樣都賣相精緻吸引，極難下決定，最後拍板點了 hayashi 牛肉蛋包飯。

十五分鐘後，一碟熱騰騰嘅蛋包飯上場: 賣相一般啦，不過香噴噴嘅蛋有極濃牛奶味，飯底是茄汁炒飯，加牛肉煮成既汁就味濃左啲。雖然都算唔錯，不過始終未有台灣間蛋蛋屋嘅水準，有啲失望。

唉，心願未了得…