兩日一夜澳門之旅話咁快就完成囉。
水舞間算做值得睇，不過無想像中咁”必睇”。當中的電單車雜技，雖然刺激，但產生的汽油味令人有點不習慣，而且跟故事又似乎無捨關係…至於故事，不外乎又是英雄救美，背景就加入香港特色。
羊咩仲破例玩左輪盤，輸左一百大元。莎莉，你啲號碼唔中噃…同學們就…
不過，今次行程最開心係可以食到好味道嘅葡國晚餐。原本無預約就無得食，不過一場去到澳門就不妨望一望，哈，剛好預約嘅客人無出現，一張四人檯就安安靜靜咁等住我地。雖然食唔到廚師推介（因為要預訂)，不過氣氛就好到不得了。女侍應們 (美姐姐，花姐姐)態度親切，當然，我地嘅 JK 又再發揮小宇宙，同大家打成一片…甚至連廚房專用嘅葡國橄欖油都肯賣比我地，唔駛KAREN去 XX”秋”市買。睇怕下次唔再嚟都唔得囉，實在笑得太開心喇。
就係因為石頭人、我就無咗個驚喜Lu!
唔係掛，一定有喜嘅，只係無驚啫。
作死呀你！賭錢相都放上綱！要向你追討精神同聲名上損失，有排你賠！
似打機多過賭錢噃…