同學又講要面對。其實，點先叫面對呢？羊咩從來都無唔面對吖？！仲好努力學”活在當下”添！生活都係咁過，返工，返學，旅行，打波，吃喝玩樂，好好照顧自己，又無收埋自己唔見人，又繼續識朋友。至於想法: 正面，負面，又睇唔到羊咩有唔同左噃。其他啲雜物，羊咩又掉左八八九九；基本上，有聯想嘅藉口都無晒啦，仲要點呢？小小嘅懷舊習慣，可以保留掛？何況，都唔關事嘅。

事實上，好耐之前，羊咩以為自己唔怕鬼，不過依家見到先知道仲係驚，咁都無符㗎噃。好似怕曱甴，與生俱來嘛，一見就失晒魂，點叫羊唔驚呀？！最多咪扮唔驚，然後行開啲，有咁快得咁快，有咁遠得咁遠囉。

來來去去，羊咩只係需要比較多啲時間，仲差少少就得㗎嘞。