星期六晚，同學打電話嚟話食糖水。無意見下揀左去天后，睇吓有邊間有位，最後去左甜姨姨（天與地出現過，佘詩曼成日食木桶豆腐花）。兩個人叫左三樣，羊咩至愛：蛋白杏仁茶；AMI：香蕉黑珍珠豆腐花；加個雙色湯圓（芝麻／花生醬朱古力餡）。其實都無特別，不過，花生醬朱古力餡湯圓又確實意外地好味。

搵食之前，在附近行左一圈，終於發現傳說中嘅蛋包飯。睇完個菜單，又唔覺有幾吸引噃。或者下次有機會可以試試。