羊咩生日週又開始嘞，今次竟然係馬婷第一個同羊咩慶祝！當然，場地由馬經理挑選：中環嘅白玉蘭。餐廳環境典雅舒適，不過人就多啲檯又密啲，好在我地坐近窗口，遠離噪音。

一共叫左四碟餸，清炒河蝦仁（鮮甜），素鴨（甜甜地超好味），小籠包（汁鮮但皮厚）同一碟蒜抄豆苗（一般）。之不過羊咩食左全部嘅三份之二，飽到連甜點都唔想食。無計啦，馬婷腸胃炎，無胃口。所以，羊咩基本上係表演：食晒啲餸。

其實馬婷真係好心地，雖然極忙碌，又轉部門，屋企又全屋裝修，兼腸胃炎，都仲有時間分比羊咩。”一年見兩、三次嘅朋友”，多謝你啦！

兩小時嘅晚飯，一陣就過。希望保重身體，可以同羊咩，羊細佬打翻波，出年再見！