老上海飯店，自從搬離灣仔，都有一段日子無去過。陪完大佬睇電腦就行過去。人多左，可能食蟹季節啦。

只有兩個人，食唔到太多，不過大佬都點左: 香乾馬蘭頭併燻魚加燻蛋，菜飯，炒豆苗，小籠包，桂花酒醸酒釀丸子，棗泥窩餅。比較深刻印象係香乾馬蘭頭: 個樣同餐廳一樣，一碟草就平平實實上來了。菜和豆腐乾都切很細碎，淡淡的，保持了馬蘭頭的青草味。其他，都唔錯，不過無特別囉。席間服務的大叔不時過來問味道如何，有沒有其他需要，服務殷勤周到。我地去得比較早，可以慢慢食。都係個句，天南地北，由經濟到佛學都講。中醫又得，西藥又得。同大佬真係咩野都可以討論，雖然有時就大意尐，有偏見左尐，不過男人就係要不拘小節先係㗎嘛。不知不覺又坐到打烊，其實都只係十點五十分…