人係咪真係好難言行合一？一定要講一套，做一套？有時候，令羊都好困惑，明明話有修禪，有聽佛理，點解都係充滿怨恨呢？明明話大愛啦，慈悲啦，同理心啦，其實就自大到呢，淨係見到自己。鍾意就對人好，唔喜歡，就要人人聽晒自己！無人同你爭做中心點，唔係個個都鍾意咁高調做人？做戲咩？

羊咩又無話信定唔信佛，只係覺得自己想嘗試少食肉，試吓為下一代做吓環保，都知道唔一定有咩野效果，不過唔試又點知得唔得呢？唔行出第一步，又點有第二步呢？何況，都要慢慢嘗試搵吓邊度有魚呀，菜呀，蛋呀等選擇，先可以開展素食之路㗎，係咪？

點解一定要信佛先呢？點解一定要定一日開始？點解要隆重其事？戒口之嘛。點解一定要一次就戒晒肉食？羊都想好似人地戒煙咁：一刀切，不過，要面對現實，一下間要戒晒肉，都要有代替品㗎，羊唔餓得㗎嘛。等陣去到間無素食揀嘅（羊就見過:午飯時間，茶餐廳，快餐都唔得閒做啦），咁點呀，起身話唔食？定係黑色面先？

羊一向信：行動就好過講；慢慢一步步做，諗清楚咁做，羊決定做嘅，就唔想返轉頭㗎嘞！