其實，邊個都有權擁護自己嘅球星，係咪？點解一尐人咁呢？好似今屆法網咁，無可否認，R.F. 喺 Round 8 打得唔好，但係都唔使一沉百踩呢？話佢打法根本唔適合泥地賽，輸係正常！ 但係大家係咪忘記左，R.F.打過入法網最後決賽五次，仲贏過一次冠軍。雖然都係輸比R.N.，都唔可以抹殺R.F.打泥地賽嘅實力! 無論R.F.打得幾差，都係同佢之前自己比啦。甚至話佢嘅對手打得好過R.F. 都得，因為都係事實，唔係R.F.都唔會輸啦。

羊唔係唔聽人嘅評論，不過都要友善㗎。最忍唔住係，仲有尐人講到個個都差咁先令人髮指！R.N. ，打得似蠻牛; D.J. 一味靠正手食糊; A.M. 又時好時壞，其他，更加不屑一顧！…唉，百彈齋主咁睇波法，都唔會投入，好悶啫。一味話人地打得差，其實，羊想知：一個業餘嘅球手可以點叻過專業球手兼曾經係世界第一呢？

識左咁耐，依家先知，原來大家係話不投機半句多！朋友，真係要篩選咕喎。