有時候，羊真係唔知點同朋友相處。係咪又病發呢？同事就話可以胡亂應酬；朋友就難啲喇，都唔知點算？！

羊咩一有時間就打波，因為羊咩真係鍾意打羽毛球，就係咁簡單。去上中醫、營養學、食療…都係想知道多啲，食得健康啲。羊咩唔食牛，係為環保盡啲啲力。點解一定係同減肥有關呢？點解一定係同宗教有關呢？點解要係羊扮忙呢？最慘係次次都問，想點呀？

羊咩唔飲澳洲酒係怕啲酒精高，怕頭痛，唔係嫌平；唔飲Burgundy係唔鍾意啲果酸味，唔關”小陳”嘅事！飲少啲係唔想早死過啲家人! 羊咩偏好法國/意大利酒係易入口，並唔係扮高深!!!羊咩唔睇電視劇又係OUTCAST，有幾古怪先？唉，有時候真係唔想答…睇 “愛，回家” 又係有問題，點算？！

真係好羨慕有尐人，幾時都可以同唔同人打交道，羊咩真係無呢種能耐！其實，都唔知可以點同人無障礙溝通，睇怕羊咩呢世都學唔識㗎嘞！唉、唉、唉、或者羊唔應該太認真。

算罷喇，講完就算，明天又係新一日！