成日話八十後，九十後唔掂，無責任感。其實，都好講個人性格。呢個除夕，當人人都掛住放半晝，趕收工，公司電話系統竟然死咗，羊咩當然係責無旁貸，要維修完成先離開辦公室。哈，竟然有啲同事以為要佢地幫手，急急話約晒家人，幫唔到羊之餘，仲要準時走。其實，羊嘅工作，當然只有羊至識啦，點會要幫忙呢？係都要電話系統公司嘅工程人員啦…

不過，正當羊咩慨嘆”冷冰冰，孤零零”之際，有舊同事出現，仲問有無野幫到手，個心當堂暖晒。呢世羊，最最好彩係入咗舊公司，識咗班做事認真，品性純良嘅人！

呢個故事證明，無論咩野年紀都可以馬虎做事，唔係一定八十、九十後嘅！