哈，咁就十年。對羊咩，一尐都唔容易。然而，生活都係一日一日咁過去，羊同家人都都無穿無爛。嗯，呢十年讀咗幾個課程喇，有用，無用都有。羽毛球就一直都有打，應該有啲進步嘅。條腰就時唔時痛吓，坐骨神經痛係咁喇，都仲支持到嘅。生活上，新、舊朋友交替着。工作上，當然無你咁進取，仍舊喺IT公司做個SPECIALIST。生活平平淡淡，不過總算安靜。羊咩唔奢求多，呢尐生活經已好滿足。
喺呢段時間，相信你活得越來越多采多姿，充實…。事業上，或者已經高不可攀… 雖然我地嘅起跑點曾經相近，可惜嘅係，我地嘅路同終點係截然不同。無論如何，希望你得到你想要的。
