羊咩其實好佩服啲同學呀，朋友呀！每一個都有佢地嘅問題，正所謂，家家難本唸的經。但係，佢地又可以處理得頭頭是道，總之就係攪得掂啦。父母嘅期望，子女嘅依賴，另一半嘅配合，事業上嘅要求，真係少啲精神，能量都唔掂。風平浪靜都好啲，一有咩野事，就認真棘手！（羊明白自己係極其幸福，無咁多嘅範疇要管理，感謝上主！）

希望個個都有開心快樂嘅生活，事情件件都順順利利。

雖然羊咩唔能夠擔擔抬抬，不過好願意做個聆聽者。如果有咩野想呻，羊咩隨時都得㗎！情緒要舒緩下，條氣要順吓，咁先唔會邊度邊度硬晒㗎嘛。嘻嘻，透露咗別人啲私隱添！總之，努力，加油！