先唔好評論茹初見，羊咩對編審係石凱婷、監製係陳耀全，其實已經好有興趣睇呢部新嘅時裝劇。唔係因為有啲咩野拍攝方式，或者王家衛式嘅隱喻; 只係佢地嘅誠意，同埋佢地嘅用心。無論”師父，明白了”或”愛我請留言”，同樣唔係主流劇情（警匪，爭產，爭權…），然而，平淡故事背後，係有一啲意義想同大家分享。和”師父，明白了”一樣，成個故事，每一段，都有一個有舖排而完整結尾，同一般嘅電視劇草草結局完全唔同…同樣，劇集裡有許多感動的台詞，一些發人深省, 反思的”message”。可能因為係時裝劇，比起”師父，明白了”，”愛我請留言”多咗利用歌曲和歌詞的某段落，來與劇情配合，帶出更多感觸，共鳴。

其實，整部劇，每個角色都好有靈魂，多得編劇組嘅努力同心思。MamaYu; 波鞋爸爸; 黃金貴同皎妃；宋柳娟同ROGER，COOL SAN，PRINCE EDWARD，JACK同ROSE…少咗邊個都令部戲失色。

好嘞，到要講嘅主角：黃翠如嘅茹初見
雖然坊間有好多唔滿意茹小姐嘅聲音，不過無損羊咩對佢嘅偏愛。其實，有留意嘅，都睇到黃翠如嘅進步。當然，朱古力姐姐仲有太多嘅空間改進，最緊要係，監製知，演員自己都知，慢慢累積經驗，咁，我地身為觀眾，就會有好戲睇囉。個個好嘅演員都係由比人鬧開始，黃翠如，努力呀！

(1) 與張日熙分手後在的士裡的哭戲 ; 讓人感受到 – 茹初見是傷心傷到肝腸寸斷…令人傷心慘目。

(2) 茹初見在韓國人門口前的大喊：“我要入去啊!”…”我係茹初見！” ; 讓人深深感動…那一份堅持…。

(3) MamaYu與茹初見之間嘅母女情深，佢地嘅自然流露嘅親近同合拍程度，令人睇得心溫暖。

(4) 朱古力姐姐同樂小姐嘅場口更加令人開懷，心甜。

(5) 茹初見與PRINCE EDWARD 嘅默契比起同張日熙，似乎更多一點，更令人睇得舒服，會心微笑。

羊咩好唔捨得部戲㗎，不過，求不得又係人生八苦嘅一苦，要學識放下先係嘅！唯有期望，陳，石嘅第三步曲喇！