星期日終於同馬婷TEA。其實要羊山長水遠，仲要去太古城，都好大挑戰㗎。不過，羊有大無畏精神，兼且馬婷嘅吸引力都唔低嘅，暫時…

哈，真係佢先會咁理直氣壯問羊，點解唔去教堂。嗯，應該係羊唔夠信天主掛。羊遇嘅每件事要感激、感恩嘅，羊會毫不猶豫感謝天主；不過如果有挫折，疑問，羊會傾向睇書，睇佛理書去解決。點解呢？又唔知喎。馬教友話羊，信心唔足夠。或者啦！

不過，好似見到啲衰人，激到死，好想罵佢㗎嘛。見神父嘅話，多數叫我寬恕，念經啦，祈禱啦，求上帝幫我成長啦咁咁咁…。唔係話唔得，不過係羊真係好嬲，正所謂，氣難下嘛！佛理比較通俗啲，裡面就好多因果學說，對羊，呢啲比較容易平靜自己情緒。除咗種瓜得瓜，種豆得豆嘅原理；又可以諗吓，比啲咁嘅衰人羊見，都係教育吓，或者警惕吓自己唔好變成咁囉。

羊好多時都係覺得自己可以解決問題就自己解決。不過，羊的確信係天主安排所有事情，只係，羊唔習慣話將自己交給主囉。其實，難題都係天主賜予我地，咁唔通又問番佢老人家？唔係應該自己去解決咩？!

嗯，再諗諗，羊，再諗諗…