J,不經不覺我地已經識咗十五年。記得係2001年喺CORNER,點認識就有啲模糊嘞,畢竟都咁多年。
其實,一直都想好好同你傾吓。羊,唔係冷血嘅,亦唔係放唔低,只係,唔想再辜負任何人喇。經過咁多年嘅反省,發現即使懂得照顧,並不代表明白別人嘅需要。羊的確係唔懂點去了解別人,所以令身邊嘅人難過、難受。雖然依家知道,不過,做成嘅傷害經已補償唔到。羊好內疚,亦唔想事情再次發生。
必須承認,羊,係自私。人,生出來就係自己一個,將來無論上天堂,落地獄,都係自己一個。羊真係唔想咁煩,經歷過生離死別,真係唔好受。自己嘅家人無得選擇,但係,其他嘅,仲可以有選擇權。所以,縱使羊有幾喜歡貓貓狗狗,始終都無勇氣收養,除咗怕自己照顧唔到,亦因為,實在實在怕,再次面對別離。我地可以係好好嘅朋友,已經足夠,再進一步嘅,羊真係負荷唔到。知道嗎?…羊嘅勇氣已經一次過用盡,再無力氣!
好好咁放開。你,絕對值得有一個全心全意對你好嘅人。
無情者,唔容易做㗎!不過,正確嘅拒絕,總好過錯誤嘅開始!