有時候真係唔係羊想唔講野,不過,真係無癮嘛。嗱,羊用SONY COMPACT電話,就係鍾意佢單手可以操控,但別人就會話”我”鍾意大螢光幕,咁細,點睇呀?;又或者,羊著件T SHIRT條衣領細啲,別人又話”我”鍾意衣領有咁大得咁大,好似羊咁會箍死佢;羊,鍾意用粗身筆,別人就話幼筆好用啲,舒服啲…;LATTE,太多奶,超難飲,但係叫個人唔係佢,係羊喎!
天呀!呢啲都係冰山一角嘅例子,仲有好多好多…。最慘係,見一次講一次,死未?你話嘞,邊度仲想講野呢?羊又偏偏唔鍾意同別人爭論,其實又有咩野好辯?!羊有羊喜歡,你有你鍾意囉…。又係個句:話不投機半句多,羊收口。