有時候，真係唔到你唔肯放低。
馬老友舊年開始又腳痛，又腳腫，經已成年無同羊打過波。後來，皮膚又玫瑰痤瘡，Carmen 又已經以過來人叫老友試吓轉工，改變吓生活，少啲壓力會有改善。唉，不過，始終係一個坐唔定又心急嘅人，性格改變唔到。自己仲諗住食藥，戒口睇吓點…最近，似乎情況變差，連左腳都腫埋，睇怕都要認真諗吓轉變生活方式。其實，錢又搵唔晒嘅，當休息吓囉，唔做 Sales Director / VP， 仲有好多工作可以做嘅。健康無咗就無咗，諗清楚，老友！
都係一句：錢夠用就好。有屋住，有飯食，又可以隨時去旅行，已經比起好多人好好喇。點解硬要賺幾多幾多呢？自己處理唔到就要諗吓，唔係話能力唔得，不過影響身體健康就唔值得啦！好似林先生咁，輕輕鬆鬆咁做佢嘅 Director 咪幾好，週末可以打波，去吓日本，韓國，中國玩三日兩夜，幾嘆！唔使同人迫上位做Senior Director / VP 㗎嘛。
