羊間唔中就會被人話：「使唔使咁認真呀？」。其實，都唔係認唔認真嘅事喎。做事就要一板一眼咁做啦，唔通估估吓？錯咗、漏咗點先？就算件事做過千百萬次，都有可能有變數喎。要準確有結果，就要樣樣事有指標，咁又點可能是但呢？講說話亦必須負責任㗎，假如講笑當然唔需要認真，但一般說話都要好好思考先講，亂七八糟咁，如果有人，唔需要多，只有一個信咗你，而你又係是但講，錯咗，輕微嘅錯放消息，嚴重嘅會累死人咕喎！

講這句話的，通常有兩類人。一是那些事事馬馬虎虎嘅人，用此句話來訕笑人家麻煩、執着，以此遮蓋自己做事的求其；二是那些踩人當開玩笑嘅人，怕激嬲了對方時，以此反過來打圓場，用來掩飾自己的沒禮貌和欠修養。

然而，生活中少不免會遇上這些人，簡單一點就是認真地跟這些人保持一定距離，對吧？不過，遇上一些較熟稔嘅同事，又真係…唉！