天氣涼浸浸,既然無波打,唯有搵啲其他運動做吓,行山就最適合。所以,今早又約咗CARMEN, 426行上山頂。今次LETTY就投降無嚟,怕好次上一次咁失禮喎!今日都係之前條路,不過落山就打算行舊山頂道。本來都唔辛苦嘅,不過,聽CARMEN話,有段二十分鐘路可以上西高山,上次無行喎,羊就二話不說就轉咗上去。哇,唔行就唔知,一行就知死。原來轉過彎就見到幾十級樓梯,CARMEN仲一枝箭飆咗上去!肥肥羊只好跟住上。不過,上到去又好有滿足感,況且個景色超靚!不枉行到腳軟都抵!
仲有,紀錄再創新高!YEAH!