其實，羊知道嘅，關於同JK嘅事的確時不時影響緊羊嘅心情，尤其是見完其他同學之後。雖然，羊一直都覺得暫緩一下嘅關係會好啲，不過，時間係咪長咗啲呢？咁大個人，係咪要睇開一啲呢？羊唔認為轉髮型師有咩野問題，可能羊嘅處理方法唔好。如果喺我哋關係好嘅時候，提出轉髮型師係咪好啲？唉，但係剪咗咁耐，真係唔知點開口喎。諗來諗去，也許事情都係一樣結果…

其實，羊都唔只一次話過啲頭髮剪唔齊，可惜，無人重視。或者學王醫生咁講：羊表達能力有問題？ 不過，算啦，依家都唔係唔好嘅，起碼剪得唔好，羊可以話吓莊先生，點樣佢都要聽吓意見。雖然，連王醫生都睇唔出羊嘅髮型有咩野唔同，不過，起碼都唔太差，再無人話羊個頭唔齊先喇！

喂，羊，醒啲！