哈，塞翁失馬，焉知非福，係真咕喎！本來今個星期六訂唔到場打波都幾唔開心，不過，反而可以利用呢個空檔，同羊細佬去香港文化博物館睇「金庸館」同李志清嘅畫展，又真係唔錯喎！

雖然好似好遠咁，但係坐117號巴士到紅磡轉火車，然後喺大圍轉東鐵線去車公廟，跟住行五分鐘就到，其實都好快。

啲展品有小部份喺之前書展、小型金庸展等見過，不過，都叫咗有誠意㗎喇！其中查先生私人嘅展品就真係少見啲，仲有幾多係原稿添，姜雲行先生同王司馬先生嘅插圖尤其真貴！不枉此行！