上個星期清潔亞姐嚟打掃，羊咩當然唔會喺度啦。皆因最怕佢雞啄唔斷，一開口就收唔到聲，只好食完個午餐就逃走咗落圖書館。本來諗住溫吓衛斯理嘅小說，起碼消磨兩、三個鐘頭。可惜，一去就見到大部份都係溶溶爛爛，唔敢攞嚟睇。之後行去文學部睇吓有無新啲嘅書，點知都無。最後行咗十分鐘先搵到落腳點，就係流行音樂文化嘞!

七八十年代，鄭國江、黃霑、盧國沾應該都壟斷晒大部份香港歌曲嘅填詞。羊就無特別喜歡邊個，因為每一位嘅風格有明顯分別，筆下歌詞亦不能互相取替，三位大師，羊都咁敬仰。短短三個多小時，羊就刨晒其中三本。喺圖書館睇書，零舍唔同！老花，請您不要…深！