人會變,月會圓,真係一個自然定律? 或者係羊自己唔成熟?雖然人會隨著成長路途上,不斷學習如何進步的同時,亦不斷改變自己的性格,務求適應不斷改變的社會,不過羊唔想相信人會改到連本性都變埋。
事源係,好耐無見嘅同學訴說老同學嘅轉變,有啲措手不及之餘,有更多嘅失望。聽完個故事,羊,第一感覺係唔相信,一啲都唔似佢嘅為人;第二感覺:以佢咁順風順水嘅人生,無咩理由會變成咁不近人情;第三感覺:係咪有誤會呢?不過,再諗深一啲,大家又真係N咁多年無聯絡,變化都可以好大嘅。羊,又好難繼續一廂情願咁想像嘅。話晒佢地曾經係好好朋友喎,同學有啲難接受又係真嘅。
羊唯有接受,近朱者赤,近墨者黑嘅理論,心好過啲咁啦。感覺好似只係衰人帶壞佢,唔係佢本身嘅問題…唉唉唉,算喇,都唔關羊事。小導消息源源不絕,真係唔到你唔想知…。唉,都唔知糾纏到幾時。