三十年?

今日飲完茶,送完阿媽地,就喺永安中心等一號巴士番屋企。本來準備開耳機聽歌,點知突然聽到把好熟嘅聲音。初初以為自己幻聽,跟住見到個好熟悉嘅背影喺前面等緊一號。好奇心之下,羊開始探頭探腦,望清楚吓。哇哇哇,原來係BETTY WONG呀!羊禁不住,上前一拍,真係佢喎!自從大學離開加拿大,都無聯絡咯!三十年?嚇死羊咩!

剛剛今朝經過維多利亞公園,先見到明愛賣物會,都有諗起中學同啲同學帶羊細佬去玩嘅情景…。其中就係有Betty嘞!原來佢啱啱先喺美國番來幾日,約咗星期五好好坐低傾偈。

About Ellen羊, 阿羊, 羊咩, lamblamb, 大頭羊, Ellen Young

喜歡的人可以每天對他笑,討厭的人連看都懶得看一眼。
This entry was posted in 羊有咩感. Bookmark the permalink.

Leave a Reply