同事剛買咗部中文電子書閱讀器，以為可以好好地讀中文書，點知發現，買入嘅中文小說竟然係橫排!! 正嗚呼哀哉，又煩惱點搵啲直排嘅中文書時…羊當然急不及待提供意見，並展示自己嘅玩具…

嘻嘻..睇落去就似乎三部都差不多…不過，用途就大不同啦。羊一路都有努力將實體書減少，要盡量斷捨離，所以KINDLE主要係放啲仲會、想睇嘅英文書。至於兩部MooInk，就…係凡事都要有備用嘅。咁多中文書，萬一其中一部壞咗，仲有部後備吖嘛。最重要係…MooInk係世上暫時僅有嘅「橫排」轉「直排」嘅中文書閱讀器囉。🤭

…至於我部金庸機，儘管喺功能上到今時今日依然係一流，然而反應慢咗啲，電耗快咗啲，所以都係適合用嚟收藏嘅，畢竟係一個十二年前發明嘅古董了。