Category Archives: 羊咩書架

唔捨得，唔捨得…

搵到ebook download 就送你哋出去喇！

羊嚟多幾多次「斷，捨，離」都唔捨得喎！

少年時曾經熱切地期待每次出版日子的一套小說，又係捨得同捨不得間徘徊… 『少年篇』1～6冊; 『搜神篇』7～13冊; 『傾城之戀』14～19冊

都唔記得呢套漫畫書係點嚟嚕。不過，有人收留就好，拜拜啦！

羊本來都有啲擔心，現今人事，仲有無家長鼓勵小朋友睇課外書。點知問咗幾家人，都好好反應喎，唔嫌舊仲唔介意有羊嘅塗鴉(墨寶?)，嘻嘻！當然啦，正正經經嘅書嚟㗎嘛，小一至小六都啱睇，無論任何年代都有閱讀價值。羊始終相信書中自有黃金屋，知識改變命運！今次都係第一輪，小試牛刀，之後仲陸續有來… 雖然未到心如刀割，不過都好唔捨得咁囉。無論如何，見到佢哋有好嘅歸宿，羊都好安慰嘅。拜拜啦！