Tag Archives: 地平線上

暫別…

拖拖吓又十月喇,要暫時停止追睇”那些人…”嚕,好好做功課兼溫書考試…十一月考完試再嚟過! 下星期五開始(11/10 – 16/10)又嚟第二個密集式上堂喇,死硬! 翻睇吓傻婆個VIDEO鼓勵吓自己先!

Rate this:

Posted in 羊有咩感 | Tagged , | Leave a comment

這個世界那些人

剛剛追完 “地平線上,這個世界那些人”; 依家又繼續第二輯:”這個世界那些人”,主要係亞洲篇。不過就同上一輯有啲唔同,雖然一樣有同當地人互動,但明顯比之前有計劃啲,有程序啲,少咗真人SHOW嘅感覺。仲有,連主持人,一共有七位工作人員,比起上次多咗幾乎一倍。佢地亦唔再為住宿或者食物擔心,因為大部分已經籌備好。 無論如何,羊咩都會睇完呢十四集嘅…

Rate this:

Posted in 咩情咩趣 | Tagged | Leave a comment

地平線上,這個世界那些人 (下)

S 博茨瓦納(保育區) 認識了保育義工 – 拆鐵線網 – 樹屋 – 大家合力用雙手去量度巨樹 – 上山睇大草原 T 博茨瓦納(哈博河內) 認識當地導遊 – 買路營用品超市買食物 – 布希曼人安置區尋找歷蘇故鄉 – 扮打獵可憐感動到喊 – 安置區豪酒店停電事件笑料 – 找水源 天堂的美麗 -晚上路營露野餐 – 認識樂觀的愛滋小姐 U 摩洛哥 到商店買衫 寶石.扮女俠 – 阿伊特本哈杜古城 – 片場認識本地所謂的電影人.到訪大電影拍攝場地 好多笑料.”小偷的故事”完成 V 埃塞俄比亞 遺失行李 … Continue reading

Rate this:

Posted in 咩情咩趣 | Tagged , | Leave a comment

地平線上,這個世界那些人 (中)

K 厄瓜多爾(基多) 認識賣藝高手 – 高山症 – 食怪味雪糕 – 小朋友刷鞋匠 – 鬍子店同伯伯開玩笑 L 厄瓜多爾(巨龜島) 認識了當地導遊 – 睇巨龜/蜥蝪 – 住宿蟲蟲屋 – 到訪農莊 – 到導遊家食烤魚 M 秘魯(亞馬遜) 認識了印第安導遊 – 到訪當地人家 – 吹毒針/跳舞 – 亞馬遜森林食草藥/睇昆蟲動物 – 中暑好辛苦 – 到訪南美亞馬遜族裔,飲下巫師以不知名草藥調製成的「死亡之蛇」,其後出現幻覺及胃痛了好幾天…… – 當地開放式動物園 N 秘魯(利馬) 機場唔見USB手指相機 … Continue reading

Rate this:

Posted in 咩情咩趣 | Tagged | Leave a comment

地平線上,這個世界那些人 (上)

23 集內去過的地方 (途經地方未計在內) A 北京 買K3火車飛去西伯利亞鐵路 – 識了唔同國藉朋友 – 火車上煮飯 – 用膠袋載水洗頭 – 感動的同朋友 SAY GOODBYE B 俄羅斯(莫斯科) MR.RIM放飛機 – 想睇舉世聞名嘅馬戲表演,點知就誤闖入馬戲團學校 親身玩馬戲 – 同(嫲嫲)跳舞 – 自轉在克里姆林宮 C 烏克蘭(基輔) 打算闖入切爾諾貝爾核電廠禁區探訪老婆婆,卻在烏克蘭邊境被關員當成偷渡客而遭扣查及囚禁爆粗 – 放棄去核電廠 – 識到個藝術家畫畫 – 東正教堂 D 羅馬尼亞(布加勒斯特) 遇到當地人婚禮 – 市內觀光 … Continue reading

Rate this:

Posted in 咩情咩趣 | Tagged , | Leave a comment

犀利,旅遊達人!

羊咩又一次中馬尾毒喇,點算?! 最近睇左套 “地平線上,這個世界那些人” ,勁沉迷上主持人。花一個星期看了12集,仲有一半要追!用左60多天踏足了21個遍及東歐、南美及非洲等地的國家,平均3日1國家,節目中好少出現熱門景點,而係香港少有的旅遊記綠。旅程中,遇上了許多「那些人」:羅馬尼亞吸血殭屍德古拉伯爵的後人Princess Brianna、聖地牙哥向露宿者派水的男人、墨西哥貧民窟的胖爸爸、非洲人歷蘇的同鄉、亞馬遜巫師…。雖已是2010年作品,但依家睇也絕不過時。 節目主持和工作人員加埋只有4個,但旅程中相識的朋友一集都有幾十個,被強迫跟主持人耍太極的,更加是多不勝數。 講咁耐都未講主持人係邊個!登、登、登登,咪係黃翠如囉! 4個工作人員心口都掛了個「勇」字,勇於嘗試,黃小姐更勇於在鏡頭前以素顏出現,就如亞馬遜的一集,黃小姐中暑和飲巫藥的片段都被公開播放,免費電視台,應該唔會出街吧?! 全球有195個國家,黃小姐說正在累積「印仔」,依家已有55個「印仔」,期望累積到195個,犀利唔犀利?!

Rate this:

Posted in 羊有咩感 | Tagged | Leave a comment

註定!

上星期三,出乎意料,掛起八號風球! 天文台話兩點前後改掛三號,本來以為晏晝要返工,羊咩一點幾就梳洗完、換好衫,仲食埋午飯,諗住出門口之際,同事打電話嚟,問羊今日放假做咩野喎…哈哈,原來公司手冊話:一點半前落風球至要返工,而個日就一點四十分先落,所以,意外咁多咗一日假期! 其實,應該溫吓書嘅…。不過星期二晚,去咗電氣道,借咗兩本書…嘻嘻,其實都唔係啲咩野書,只係黃脆魚嘅旅遊書同漫畫啫!最近知道佢出過書,即管搵嚟睇吓…,發覺係幾年前出,咁只好到圖書館搵吓。最後,只有電氣道圖書館有齊兩本,一於冒住落大雨嘅險去借啦!哈,過程順利到估唔到,六點半羊咩已經返到屋企!咁巧合有一日假期,羊咩當然唔會放過機會,一口氣睇晒佢地啦!

Rate this:

Posted in 羊有咩感 | Tagged | Leave a comment