Tag Archives: 老祖宗語錄

無事上街少破財

把舊羽毛球拍都用左好一段日子,但是又無穿無爛,本應繼續用嘅…唉,行街累事。有日見到打折扣,又睇睇,點知有原價七折再九折。終於忍唔住買左枝 “YONEX ARMORTEC900 POWER”,同細佬同一系列。本來有啲罪案感,不過又真係幾好打噃… 唉…羊咩都係啲世俗羊,逃唔過”貪”呢一關…

Rate this:

Posted in 羊有咩感 | Tagged | Leave a comment

老祖宗語錄: 平淡是福

羊咩真係老喇!昨天晚上和老友一起,在南華會由七點多一直坐到十點多都好精神,十一點之後不知不覺開始釣魚嘞。最後朋友忍耐唔住,一點幾兩點就放羊咩歸家去…今日一整天都勁眼瞓,反應都慢幾拍… 話說回來,事緣今次老友又要面對感情既打擊,羊咩當然要負起聆聽,開解既責任。其實,羊咩真真好希望老友可以堅強起來。由細到大,佢都經歷唔少挫折。羊咩每一次都希望老友可以為下一次而堅強起來,不要再受同樣既教訓。可是,世事就係咁,同樣事情不停重複…可能,上主要各人從挫折中學懂教訓,道理,才會停止同樣事情再發生。 羊咩雖然無咁精彩既感情生活,然而曾經經歷過,經已無悔啦…羊咩好滿足現有既平靜人生。雖然有時會悶悶地,有人同一起過固然係好,自己過都唔錯吖?!平淡是福嘛。有時候,強求係唔會開心既。最好就唔再執著,順其自然嘞。羊咩都係學習中。。。

Rate this:

Posted in 羊有咩感 | Tagged | Leave a comment

老祖宗語錄: 日久見人心

雖然孤羊仔唔識好多人,不過,係呢度的確都見識唔少。平時有啲好似好正義;有啲好似好諗善,有啲好似好公道,實際上個個都係自私,仲有個貪得無厭既心,原來只是平常隱藏得好。即使以前舊公司都有相同人性,不過我絕對相信貪心極有限。因為,個個都係為公司好,大家都相信公司好,大家好。大家都知道顧客對公司既重要性,所以無論用幾多投資,大家都唔會有唔滿意既心態,完全覺得係正常。 不過,係呢度就異常,Training Room 有新顯示器,竟然有人能夠要求對換!!! 原因係 : “都唔係成日有Training,啲機放係度浪費。” 哈,呢啲係關乎企業對顧客既服務,而且大公司都要有體面既設施嘛。傻既都識喇,何況身為老僱員,點會唔明㗎?!假如有需要,咁咪自己申請囉。點解要貪Training Room 呢 ?!難為佢平日仲充滿正義咁…唔知會唔會有精神分裂??

Rate this:

Posted in 羊有咩感 | Tagged | Leave a comment