Tag Archives: 金庸

咁快？！上星期一台灣出版，今日收到！

今日同同學們食完午飯，送KAM番辦公室時，行經報紙檔見到新一期明報月刊，二話不說就買。好彩叫得快，另一邊廂已經有人要一本。原來成個報紙檔暫時得兩本咋！便利店仲未有㗎！ 雙封面:

羊嚟多幾多次「斷，捨，離」都唔捨得喎！

星期六又一次出發去沙田嘅文化博物館。今次吸引羊去嘅係金庸館一周年紀念項目: “雪山飛狐”舞台劇。雖然唔係羊特別喜歡嘅一套小說，不過，趁仲未打得波，BOKY 又放假，去一趟支持吓都好。 原舞台劇本由盧景文改編，余振球及張飛帆剪輯整合，余振球執導，歐錦棠、何敏儀及高繼祥主演。演出：劇場空間。

睇來睇去，都係TVB 1983年版嘅郭靖黄蓉最好！ 83版翁美玲版黃蓉，將黃蓉冰雪聰明又帶點任性邪氣的複雜性格演得入型入格；黃日華版的郭靖方臉寬肩，傻憨執著又一身浩然正氣。清麗、演技一般的94朱茵版黃蓉慧黠有餘可惜太多擠弄眼，有啲適得其反; 張智霖的郭靖，除了多了小酒窩，眼神亦精靈咗啲，憨厚之餘少了郭靖應有傻氣。 內地周迅版黃蓉、李亞鵬演的郭靖相對年紀大咗啲，唯有演技搭夠，因而欠缺自然。08胡歌版的郭靖，臉型從方變長，身材由魁梧轉頎長，無論如何呢個郭靖係英俊咗啲…;林依晨版黃蓉太過清純，只可以講不過不失，無突破。 當然，1976年米雪嘅黃蓉可能係最好嘅，不過，羊無睇過，無得比較。但係，76年嘅郭靖，單睇造型就唔係好得囉！