Tag Archives: 何嘉麗

不經不覺咁就一個月嚕，嘉嘉越做越起勁，羊咩都越聽越興奮。有時候，真係好似番左以前中學時代，好感動。當然，大家都大個左，經歷多左，思想都唔同左。不過，啲價值觀都依然相近，仲有，仲有啲聽歌品味仍然相似。多年前已經放棄嘅標準、應有嘅執著，都漸漸被嘉嘉喚起、記起來。 多謝您嘅回歸，嘉嘉。

聽番九月十九日嘅CALL ME GAGA，原來播左 DANNY CHAN 嘅眼淚為你流、仲有雪中情、Debbie Boone – You light up my life、陳秀雯 – 映像羅曼史、難得有情人…呢啲歌仲有邊個節目會聽到㗎？

經過上次BACKUP驚雲，羊咩其實都唔打算再搞亂部IPAD。不過最近有唔少軟件都不再支持舊操作系統，最慘係啲中醫軟件都係咁。羊咩唯有妥協啦，昨晚鼓起勇氣，作最大冒險。諗住大不了從新安裝過囉，電腦神童吖嘛，唔係浪得虛名嘅。不過個短短四十多分鐘，好似過左成晚咁耐… 好在，好在，一家大小都齊齊整整都係度…嚇得羊吖。更新之後，介面變左，速度快左，又幾好噃。何嘉嘉咁講，學要丟掉。羊咩嘗試丟低對蘋果嘅偏見，信任佢嘅方法。咁就：得左！