上星期五，避開誠品開幕，反而去商務印書館打左個轉。時間關係，只逛左一至三樓。基本上，比起之前確係多左書，不過又因為多左數量，好似有啲亂，令人迷惘。可能地方大左，人又少左，（去晒希慎廣場誠品趁熱鬧）好似好行左。

同時，商務印書館亦延長營業時間，由上午11時至晚上9時半，改至上午10時至晚上10時。實行3個月至半年後，才考慮會唔會再延長營業時間。

至於三聯書店，就多左個內地專區，無啥特別。

希望各大小書店好好裝備，銅鑼灣書店、樂文書店、開益書店等，努力，加油！最緊要係良性競爭，如果可以百家齊放就更好嘞！