一直，羊咩都成日比人話，個人主觀強，對人有偏好，又唔被買好，成日拒人於千里之外，咁對別人對自身都唔公平。所以囉，羊經常提醒自己，要客觀尐，比啲時間，唔好太快，太心急下定論。不過，經過咁多年嘅體驗，羊咩開始覺得真係要信自己嘅本能。

話說，最近公司同事間發生爭端，本資訊科技部就癲咗咁搵人，搵證據，總之做到唔係我地嘅錯喇。連羊咩都牽連埋…原來係有人唔認真睇電郵，亂咁答，最後又發覺自己吃虧咗，唯有自圓其說，推向別人身上，話自己咩都唔知。哈，咁唔好運，撞上個麻煩資訊科技部人，兩雄相遇，有排煩！

羊咩一直對呢位同事有所保留，一早就經已保存資料，所以依家被牽涉嘅人通通無事發生。其實問點解，羊咩都唔知㗎。不過就係對此人無好感，覺得唔可信囉，所以一直保持距離。從來都係一句起兩句止，無多句，都幾冷冰冰㗎!

事實又一次證明，羊嘅感覺係準確嘅，問題發生係遲早嘅事。羊咩，要信自己多啲！