又一個星期，本來呢，諗緊去唔去見盧醫師，唔係話佢唔好，但係，由星期日做完治療到星期六都仲痛，
4:00 到達油麻地，見仲早，先去漢榮書局一趟，拖得一陣得一陣，大約4：25先上診所。出電梯，無咩動靜…按鐘，入去，嘩嘩嘩，救命！成個診所都係人呀！
本來想睇吓書，唉，啲神出鬼沒嘅小魔怪，一時手一杯水喺你左邊，一時口咬一個包喺你右邊，仲會喺正前面失驚無神彈出嚟…羊咩坐得半個位，對腳都唔知放喺邊先安全。
今次只做咗針灸同拔罐，所以無咁累。到今日，條腰仲好鬆，感覺又唔錯…不過，羊，真係唔知可以支持幾次，真怕到時醫好腰腳痛，又有精神憂鬱症！
Wish u well, my friend!
Thx!
😂😂😂D小魔怪真係咁恐怖?! 我今早去D大人就真係好大聲! 重係討論佢個女定定哋就即係要 poo😖😖😖 so annoying 😤
^^”, 可能你係媽咪，所以你對啲小朋友有愛心，耐性；羊咩就唔得啦，真係”一見就發暈”囉！