每一件事情都有限期。自從開始有外購劇，晚上都好少開電視，除咗早上睇香港早晨。上星期一晚，本來打算開電視睇，點知，按一下電制，無野睇，熄咗佢，再按一下，今次有聲音，不過無畫面。擰去電視機後面，睇吓尐線有無鬆，又無喎。熄咗佢，再按一下，都係有聲無畫面。唯有好似上年咁，熄咗電視機總電制，睇吓得唔得。最後，都無畫面，只好由得佢冷靜一晚。哈，點知第二日早上都無野睇喎，唯有放工返去再睇吓。終於，有六點半新聞睇。好嘞，今早又開電視睇新聞，無畫面，連聲音都細到聽唔到，唉…睇怕都係到期要換個部…十八年，都算完成使命啦。