今日經過公園，遠遠聽到個老伯係咁叫佢啲老友睇佢件衫，跟住成四，五個伯伯圍住，然後佢就好大聲講嘞：你哋睇吓啲手工嘅好？係咪好犀利呢？啲線步都唔馬虎㗎！原來，佢將件加大碼T襯衫，修窄咗，然後將多出嘅布料，做咗個袋喺件衫度。啲阿伯好似好欣賞咁，不過，好快就散開。聽完，羊竟然一邊行一邊諗起林子祥喎，點解？！因為佢都話過佢好鍾意自己改衫著囉，仲唔會同別人撞衫添！羊，好敬佩佢㗎！皆因羊連枝針都舞唔掂囉，一係就整彎枝針，一係就手指頭中招！怕怕！