上星期去咗翠華食午飯，叫咗碟菜芯全走，一碟番茄蛋飯，少飯、少油、少鹽，然後一杯清水。正一邊睇雜誌，一邊等緊之際，坐喺對面嘅年輕人，突然問：”唔好意志，想問吓你咁食，唔悶嘅咩？又走油，又少油…無肉添喎。食個午餐，有湯，有飯，有肉，又有杯咖啡。”其實，羊霎時都唔知點答。佢跟住問，”係咪三高要咁樣食？”原來佢剛剛收到身體報告，話有糖尿病二型同高膽固醇，不過醫生話食藥無事，食藥會快啲控制到。所以，佢剛剛食完個吉列豬扒併炸雞扒午餐，仲問我係咪一樣喎。咁羊只好好簡短地話羊減肥啦。點知佢又問，”減肥唔係唔好食飯咩？劉華都係咁KEEP。”佢好多朋友都係一直唔食飯、唔食麵包，淨食肉。羊只好同佢講，碳水化合物係人體必需，減肥係要食少啲，但係唔可以唔食。淨食肉對身體唔好之餘，仲有傷害。跟住佢就話，”原來係咁。不過，食肉法好有效，唔會有事嘅！”，叫我試吓，講完就埋單走人。

唉，原來真係有謬誤。