其實，羊真係無用力去記啲咩野㗎，平日都唔會諗起嘅，不過，啲記憶就係喺唔在意嘅時候，突然走出來！咁又可以點呢？除非，羊離開呢度啦，唔係，咩野都可以勾得起任何事情咕喎！算啦，羊，應該係另類㗎嘞，正常人會做，可以做嘅，都對羊無用嘅。

老友，閒話家常時候，其實羊真、真、真係唔介意講起邊個邊個，始終都係大家嘅同學。只係，無端端咁提起，有啲奇怪啫。你都唔會傾傾吓，無拉拉講其他人嘅野㗎嘛！

無論點，多謝你咁記掛羊。你都知道羊比起你啲朋友係獨立得多，所以，你擔心佢地啦。羊，哈，都好好咁過咗咁多年。自閉係自閉咗啲，古怪又古怪咗啲，不過，天生係咁，都唔去改變啲咩啦！

咩野係開心，羊知㗎啦！