門口大櫃早一排都有啲唔妥，終於前個禮拜就…咁囉。

本來都唔知點好，個櫃好地地無理由換個新，雖然都用咗十三年有多。啲層板都有啲攣，背面嘅木板又有啲鬆，不過，整體仲用得唔錯，唔想郁啲就製造垃圾啦。

Hea咗幾日，都未知自己想點，就上網睇吓有冇維修之類。本來都無期望有啲咩嘢適合嘅選擇，哈，又搵到喎，有個CALL師傅app。昨日落單，今日，師傅咁就換晒兩度門上下嘅轆，修理好啦。YEAH! 雖然唔知收費算唔算高，羊一向都無啲價格意識，不過師傅嘅工作態度良好，又帶齊工具，又快手。最重要係，做好佢要做嘅維修，本羊呢，就覺得合理嘞，係咪？
櫃呀櫃呀，比羊用多五，六年得唔得？