上星期剛剛開始咗中醫食療第二部分：人體生理生化。羊咩一聽個名就有尐頭暈，點知上上吓堂，發覺自己睇完幻燈片再睇尐筆記有啲矇，閉上眼，再睇多次，又清楚番啲；再試幾次都係咁……睇嚟羊咩要加入老花行列…係唔情願之下，都約咗驗吓老花有幾嚴重。忐忑不安咁由星期四等到星期六，終於見醫生啦。左驗吓右驗吓，成個小時後，結果係: 羊咩散光深咗25度囉，眼睛肌肉開始有尐退化，其他尐眼底血管改變唔大，尐飛蚊症狀維持不變…不過都要有心理準備，明年可能會開始有老化症狀…唉，唉，唉，小羊要變老羊喇！