從來都唔覺自己特別喜歡某位女歌手，因為，羊嘅CD櫃係充滿晒林子祥，譚詠麟，同張學友等。至於女歌手，近呢幾年先買番何嘉麗，林姍姍，葉倩文等精選，雜錦碟，並無單一嘅女歌手可以霸佔多過三隻CD嘅位置。哈，點知，上星期先比同事提醒。原來，羊每次問人地聽碟，多數都問吓有冇陳慧嫻咕喎。羊真係唔覺喎。番屋企睇一睇，原來真係！羊，一共儲咗5隻CD咁多喎，估唔到添！原來多年來都是聽著她的歌…唔通…Priscilla ism 喺一早不經不覺中形成咗？