羊咩其實係咪變左呢？越來越無耐性。前個星期同啲舊同事食飯，本來都無咩特別。正所謂八卦吓咁啦，不過越聽越唔耐煩，羊咩好叻㗎喇，無黑面，只係全情睇電視同埋間唔中，”嗯，嗯，嗯”咁反應吓。其實吹水無問題，但係不停咁認呢樣專家，認個樣又係專家，有無咁勁呀？批評完呢樣，又批評個樣，成個評論家㗎咁，好悶囉。討論吓政治，人呀，事呀都係正常，不過實在太多主觀意見，又不停咁推翻人地嘅意見，駛唔駛呀，傾吓講吓之嘛。啲師奶講完一陣都唔記得啦，要唔要自己講晒呀，又要全世界認同？Hierophant，係咪真係咁多野講㗎？有佢講無人講！沒完沒了咁，想靜一吓都唔得。無命！