Tag Archives: SPSS

其實，又唔係同朋友絕交，暫時休息一吓啫。不過，羊一提起，JAM就無名火起，仲鬧話無野好講，點解仲要提起佢？羊只好收聲喇，朋友之間提吓啫，又唔係講壞話。只係話佢鍾意食薯仔之嘛…咁都唔得？！。

昨晚喺呢個星期嘅第三餐同小朋友食飯。真係一係唔發市，一係就幾乎每餐外食都有小朋友。上一次同JAMIE食應該係阿雞同CHLOE過嚟香港，兩個仲好細個。嗯，時間喺小朋友身上過得特別快。 巴士席間問，”啲小朋友幾大，讀幾年班呀?” 哈，考起羊啦。羊真係記唔到喎。年年都要加一㗎嘛，但係羊又唔記佢地嘅BASE NUMBER，真係難啲推敲…。最後，只好靠背啲年份慢慢計囉。係喎，羊淨係記得啲出生年份… 咪嘞，都係記低喺度，費時第二日老人癡呆症發作唔記得！ Gaby : 1998 Gideon : 2001 Chloe : 2001 Tahlia : 2003 Jamie : 2005 Jaslyn : 2006

朋友們呢一陣子好靜，應該都係步入穩定期啦。好事吖，唔駛鬧交。其實，真係會死好多細胞㗎。羊就無咁嘅能耐，一有口角，就紅都面晒，啞咗！見你哋依家安安樂樂咁就好，嚟緊又三週年嘞！祝願你哋，嚟緊無窮嘅三週年啦！

朋友最近遇上一啲唔開心嘅事。羊，講真，幫唔到啲咩野，不過，人生就係咁啦，有高低起跌。離開一班唔適合自己嘅人，並唔係壞事吖？橫豎你都想走好耐，或者個天見你咁猶豫不決，幫你一把呢？！我明白，你一定覺得無晒信心！好似好無用咁。其實，羊都試過咁㗎。喺呢間公司做咁耐，眼見啲二打六晉升晒做DIRECTOR，自己來來去去都仲係MANAGER，連SENIOR都唔係，都覺得無鬼用㗎！不過，諗真啲，SENIOR 有SENIOR煩；我可以樂得清靜，唔使理啲政治學，做番TECHNICAL 嘅野，其實仲啱。你都知羊係石頭一塊，點學都唔夠圓滑㗎啦！所以，個天係有安排嘅。 都同你講過我舊老細啦，佢雖然貴但抵用，一人做三個人嘅野，都係犧牲者，比人叫走咗啦！人哋依家不知幾開心，可以日日陪個仔，睇住佢大。就係囉，塞翁失馬，焉知非福。 其實，你可以去到邊做到邊，餓唔死，無有怕嘅！唔開心一陣好嘞，希望在明天呀！至於連累唔連累，你就係諗多咗。兩個人一齊就係咁啦，共同分擔開心，傷心，富貴，貧窮…。你依家點都唔算貧窮掛？仲有大把日子係前面，邊個知會點？同得你一齊，就要學點一齊生活啦。收拾心情，換個新環境，再嚟過！

嗯嗯，最近老友們似乎平靜咗好多。或者大家都開始習慣了相處，這樣最好。有時候，要比啲時間大家嘅，始終都係兩個人吖嘛。 嘻嘻，就嚟宣佈一週年，JK，有無得食餐飯慶祝吓先？！