老朋友話，最近睇羊寫嘅野，講嘅說話同之前有啲分別，問羊係咪比人點醒咗？嗯。。。唔知呀，不過，係好似輕咗，嗯。。。應該係壓住個心嘅石頭好似輕咗。旁觀者清卦？羊，好似睇開咗啲，輕鬆咗啲咁。或者，應該多謝羊身邊嘅朋友，佢地嘅遭遇，可能影響咗羊嘅想法。係睇清楚多一啲，明白多一啲，了解多一啲，體諒多一啲，放開又多一啲。以往，羊以為自己都算淡淡定定㗎，不過，諗吓諗吓，其實別人嘅思維已經去咗唔知邊度。只可以講，步伐唔同囉。但，總算，羊放開咗別人，無阻住人更上一層樓吖？不過，點講都追唔番啲時間，何況當時，羊就係未開竅嘛，唔怪得邊個嘅，都係羊問題。

其實，係羊後知後覺，件事情一早就完咗。係咁，就傻咗咁多耐，不過算喇，呢幾年都無白過嘅，有啲經歷先好㗎嘛。”經一事，長一智”嘛！

總之，今日嘅羊，點都好過以前嘅羊啲啲啲嘅，係咪？